Doangang Punna La Naungko Ri Butta
I kau Butta kuonjo'
Palewanga' Tallasakku
Eranga' mange Ri Kaminang Mate'nea.
Doangang Punna A'jappa
Bunga ribireang kukangkang
Bunga bulang kusoeang
Bunga ni ngaia ri lino
i nakke ngaseng pata saba' Allahu Ta'ala.
Doangang Punna Lattinro
Kupantinromi tubuku
kukalimbu' sahada'ku
Patampulo malaeka'
Anjagaia' i lalang tinro Saba' Allahu Ta'ala.
Doangang Punna Ambangung Tinro
Kukangkangmi anne linoa
Kupasapu ri rupangku
Kuerang kale
Butta salama' kuonjo' Lanri Allahu Ta'ala.
Doangang Sollana Ni Kamaseangko
I nakke minne Ana' I lalang mate'ne
Napinawanga' pammuji
Ata - Karaeng
Mammuji Mangngamaseang aseng ri nakke Barakka' La Ilaha Illallah.
Doangang Pa'bongka Setang
Kau setang kau longga'
Pali'-palili kalennu
Lammaloi yukkung
Baja' bassia
Panggala-gala Buttayya Hu.. Kunpayakun.
Doangang Parampa' Nassu
Limbu'bu'jintu pa'mai'nu
Bombangjintu nassunu
Kulappa' na kuonjokang Tamammoterang.
Doangangna Raja Gowa wettu na Lellungi Balandae
I nakke Mine
Barambang bet betea
Tonasak batang jambua
Dongkokku dongko Gassa
Bukkuleng, Bukkuleng takkekek
Tamamminra Bukkulengku
Barakka La Ilaha Illallah.
Doangang Panggagara Bassi
Ijunnia jintu Areng tojeng tojenna Bassia
Ri karaenna Allahta'ala sakra' kating